Спроведувањето на акцискиот план за подобрување на состојбата на Ромите и Синтите во областа на дејствување на ОБСЕ

Овој втор извештај за состојбата во врска со спроведувањето на Акцискиот план за подобрување на состојбата на Ромите и Синтите во областа на дејствување на ОБСЕ е подготвен 21 година по усвојувањето на Акцискиот план. Извештајот ги опфаќа прашањата на Ромите во периодот од 2011 до 2024 година. Оцената за степенот на спроведувањето на Акцискиот план на ОБСЕ ги опфаќа областите почнувајќи со дискриминацијата, законодавството и спроведувањето на законите, социо-економската состојба во ромската заедница, вклучувајќи ги сегментите на домувањето, вработувањето и здравството, и прашањата поврзани со образованието, како и состојбите во политичкиот систем и развојот на политичкиот живот во ромската заедница. Заклучоците и препораките на овој извештај треба да им послужат на надлежните институции и политички фактори, како и на другите релевантни чинители и засегнати страни за креирањето на понатамошните политики и мерки за инклузија и интеграција што ќе придонесе за подобрување на состојбата на ромската заедница во Република Северна Македонија.