Zbatimin e planit të veprimit për përmirësimin e gjendjes së romëve dhe sintëve në fushën e veprimit të OSBE-së

Ky raport i dytë mbi situatën në lidhje me zbatimin e Planit të veprimit për përmirësimin e gjendjes së romëve dhe sintive në fushën e veprimit të OSBE-së u hartua 21 vjet pas miratimit të Planit të veprimit . Raporti përfshin çështjet e komunitetit rom për periudhën 2011–2024. Vlerësimi i shkallës së zbatimit të Planit të veprimit të OSBE-së i përfshin fushat që fillojnë me diskriminimin, legjislacionin dhe zbatimin e ligjeve, gjendjen socio-ekonomike në komunitetin rom, përfshirë segmentet e banimit, punësimit dhe shëndetësisë, dhe çështjet në lidhje me arsimin. Përveç kuadrit ligjor dhe pozitës socio-ekonomike të romëve, ky raport analizon edhe situatat në sistemin politik dhe zhvillimin e jetës politike brenda komunitetit rom. Përfundimet dhe rekomandimet e këtij raporti duhet t ‘u shërbejnë institucioneve kompetente dhe faktorëve politikë, si dhe protagonistëve të tjerë relevantë dhe palëve të interesuara për krijimin e politikave dhe masave të mëtejshme për përfshirje dhe integrim që do të kontribuojnë në përmirësimin e gjendjes së komunitetit rom në Republikën e Maqedonisë së Veriut.