Partitsiparea a muljerlor di comunitãtsli tu bana publicã shi politicheascã tu Machidunia di Nord

Muljerli s-aflã tu multu ma nibunã situatsii politicheascã tu comparari cu bãrbatslji cãndu easti zbor ti a lor angajari shi influentsã politicheascã, cum tu avutili stati ashitsi sh-tu reghionili tu fazã di developari. Muljerli cari pricad a comunitãtslor minoritari multi ori s-strãvãsescu cu dubla discriminari shi pi bazã sexualã shi pi bazã di pricãdearea etnicã. Ahtari malju dzã idghea nibunã situatsii s-ducheashti shi la muljerli di comunitãtsli minoritari tu Machidunia di Nord. Di atsea ispeti aestã studii ari ti scupo s-adarã cercetari completã ti graduslu shi conditsiili ti partitsiparea tu politica a muljerlor di comunitãtsli minoritari tu Machidunia di Nord, cu actsentu ti niegalitatea pi ma multi niveluri cu cari s-strãvãsecu muljerli di comunitãtsli tu a lor eforturi s-involveadã tu bana publicã shi politicheascã. Aestã studii ufiliseashti misticaturã di metodi cvantitativi shi cvalitativi ti cercetari, tsi va s-dzãcã primar adunari informatsii pit cercetari pi teren tu cari eara involvati 1002 di muljeri shi shasi interviua, cum shi analizã secundarã a informatsiilor.